Яңы йылға - бурысһыҙ

Яңы йыл алдынан “Башэлектросбыт” “Яңы йылға - бурысһыҙ!” акцияһына старт бирә һәм үҙенең клиенттарына (юридик шәхестәргә һәм коммануль хеҙмәттәрҙе башҡарыусы халыҡҡа тигеҙләнгән кешеләргә) электр энергияһы өсөн бурыстары менән штраф санкцияларынан тыш иҫәпләшергә тәҡдим итә.

Бирәсәктәрен ҡаплаған һәм ағымдағы иҫәпләүҙәрҙе тулыһынса түләгән осраҡта 2019 йылдың 31 декабренә тиклем пениҙары бөтөрөләсәк. Бөтә иҫәпләгән һәм түләнмәгән пени түбәндәге шарттарҙы үтәгәндә юҡҡа сыға: 31 декабргә тиклем һәр айға электр энергияһы өсөн иҫәпләнгән счеттарҙы тулыһынса түләргә, һәр түләү документында “түләү тәғәйенләнеше” тигән графала “акция” һүҙен күрһәтергә һәм 31 декабргә ҡарата электр энергияһы өсөн бурысты тулыһынса ҡапларға кәрәк.

Бирәсәк менән үҙегеҙгә уңайлы ысул менән иҫәпләшергә мөмкин: www.bashesk.ru сайтында “Клиенттың шәхси кабинеты” аша, почта бүлексәһендә йәки банкта.

Акцияға 2020 йылдың 28 февралендә йомғаҡ яһаласаҡ. Акция шарттары менән тулыраҡ www.bashesk.ru сайтында танышырға мөмкин.