Салауат данын яңғыратып

3 декабрҙә баш ҡалабыҙ Өфөлә Х.Әхмәтов исемендәге Башҡорт дәүләт филармонияһында Салауат ҡалаһы менән таныштырыу сараһы уҙа. Унда өфөләр, баш ҡалала йәшәүсе һәм уҡыусы яҡташтарыбыҙ саҡырыла.

Был сара “Башҡортостан тарихи биттәре” фестиваль-марафоны сиктәрендә үтә.

“Беҙ бергә” тип аталған сарала ҡаланың социаль-иҡтисади ҡаҙаныштары күргәҙмәһен ойоштороу, һуңынан Салауаттың иң һәләтле ижади коллективтары әҙерләгән концерт номерҙарын күрһәтеү ҡаралған. Ҡала хакимиәте баш ҡалала йәшәүсе яҡташтарыбыҙҙы, уҡып йөрөүсе йәштәребеҙҙе театрлаштырылған тамашаға саҡыра.