Тырыштар уңышҡа өлгәшә

20-22 ноябрҙә Мәскәүҙә инвалидтар һәм сәләмәтлек мөмкинлектәре сикләнгән кешеләр араһында һөнәри оҫталыҡ буйынса “Абилимпикс” V Милли чемпионатының финалы уҙҙы. Был мөһим сара “Мәғариф” милли проекты сиктәрендә тормошҡа ашырыла.

Башҡортостандан бәйгелә 41 кеше (25 студент, 14 уҡыусы һәм 2 белгес) ҡатнашты, улар 28 компетенция буйынса көс һынашты. Ун кеше төрлө компетенцияларҙа еңеүсе тип танылды.

2015 йылдан башлап Башҡортостан Республикаһы “Абилимпикс” һөнәри оҫталыҡ милли чемпионатының төбәк һайлап алыу этаптарын үткәрә һәм ил чемпионатында катнаша. Республика йәштәренә һәм уҡыусыларына үҙҙәренең һәләтен төрлө бәйгеләрҙә, йыл һайын уҙғарылып килеүсе чемпионаттарҙа күрһәтергә мөмкинлек бар.

#Миллипроекттар