Ниһайәт, тәғәйенләнде

Айбулат Хажин Башҡортостандың мәғариф һәм фән министры итеп тәғәйенләнде. Тейешле указға республика башлығы Радий Хәбиров ҡул ҡуйҙы. Айбулат Хажин 1973 йылдың 30 сентябрендә Өфөлә тыуған. Өфөләге 1-се медицина училищеһын, «биология һәм химия» белгеслеге буйынса Башҡорт дәүләт педагогия институтын тамамлай. Педагогия фәндәре кандидаты.Хеҙмәт эшмәкәрлеген 1996 йылда 2-се Арғаяш урта мәктәбендә химия уҡытыусыһы булып башлай.