Эшҡыуарҙан ишле ғаиләгә бүләк - ике ҡатлы коттедж

Бүләккә – ике ҡатлы коттедж. Ғафури районының Үзбәк ауылынан ишле бала тәрбиәләгән Хәкимовтарға торлаҡ асҡысы тапшырылды. Бүләкләү тантанаһы Дүртөйлө ҡалаһында, әсәйҙәр көнөнә арналған форумда үтте.

Динә Хәкимова менән 10 йәшлек улы Исламға торлаҡ асҡысын ҡатын-ҡыҙҙар союзы рәйесе Рәшиҙә Солтанова тапшырҙы, ә бына йортто бүләк итеүсе эшҡыуар үҙе билдәһеҙ булып ҡалырға теләгән. Рәшиҙә Искәндәр ҡыҙы әйтеүенсә, бүләк хужаһы йәш эшҡыуар, өс бала атаһы.

160 квадрат метрлыҡ ике ҡатлы йорт Туймазы районының Ҡандры Ҡотой ауылында урынлашҡан.

Әсәй кеше йорт башҡа районда булһа ла, ғаиләһе менән унда күсергә риза булыуын белдерҙе.