Аварияла бала һәләк булды...

Кисә көндөҙгө сәғәт 5-тә Стәрлетамаҡ – Раевка юлында ҡот осҡос авария булған. Hyndai машинаһы менён John Deer маркалы экскаватор-тейәгес бәрелешә. Ҡурҡыныс авария һөҙөмтәһендә, ҡыҙғанысҡа ҡаршы, туғыҙ йәшлек малай вафат була, уның ике йәшлек һеңлеһе, атаһы һәм әсәһе реанимацияла. Әлеге мәлдә табиптар уларҙың ғүмере өсөн көрәшә.

Асыҡланыуынса, ғаилә Раевканан Стәрлетамаҡҡа ҡайтып барған булған. Юлда машиналары тайып китеп, ҡаршы һыҙатҡа барып сыға һәм экскаваторға бәрелә. Шулай итеп, күҙ асып йомған арала тотош ғаилә бәхетһеҙлеккә осрай.

Һауа торошо үҙгәреп тороу сәбәпле, юлдарҙа боҙлауыҡ барлыҡҡа килде, тайғаҡ, йөрөүе ауырлашты. Был үҙ сиратында водителдәрҙән үтә иғтибарлы булыуҙы талап итә. Ҡаза күреүселәрҙең тиҙерәк һауығып китеүен теләйбеҙ, ҡайғыларын уртаҡлашабыҙ.

Фото “Новости Уфы и РБ”.

Автор: Миләүшә Сайтакова