+1 °С
Болотло
Бөтә яңылыҡтар
Новости
20 Ноябрь 2019, 11:23
Ниндәй күрһәткестәр яҡшырған?
Беҙҙә төҙөлөш баҙары үҫә, төҙөлөштә өлөшләтә ҡатнашыу килешеүҙәре арта, – тине Радий Фәрит улы. – Әгәр беҙ был темптарҙы һаҡлап ҡалһаҡ, “Торлаҡ һәм ҡала мөхите” милли проекты бурыстарын үтәйәсәкбеҙ
Башҡортостанда туғыҙ ай эсендә төп капиталға инвестициялар күләме индексы 115,1 процент тәшкил иткән. Был турала Башҡортостан Башлығы Радий Хәбиров бөгөн Хөкүмәттә үткән оператив кәңәшмә ваҡытында хәбәр итте.
– “Сентябрь” указының маҡсаты – 2024 йылға тиклем йыллыҡ инвестиция күләмен 500 миллиард һумға тиклем еткереү. Шуға күрә беҙ йыл һайын был күрһәткестең 10 процентҡа үҫеүен тәьмин итергә тейешбеҙ, – тине ул.
Башҡортостандың сәнәғәт етештереүе индексы ғинуар-октябрҙә 104,4 процент тәшкил иткән. Ауыл хужалығы тармағында ла ыңғай динамика һаҡлана: тауар етештереү индексы – 100,4 процент.
Торлаҡ төҙөлөшө күләме былтырғы ошо ваҡыт менән сағыштырғанда 6,5 процентҡа артҡан һәм 1,7 миллион квадрат метр тәшкил итә.
– Беҙҙә төҙөлөш баҙары үҫә, төҙөлөштә өлөшләтә ҡатнашыу килешеүҙәре арта, – тине Радий Фәрит улы. – Әгәр беҙ был темптарҙы һаҡлап ҡалһаҡ, “Торлаҡ һәм ҡала мөхите” милли проекты бурыстарын үтәйәсәкбеҙ.
Бынан тыш Башҡортостанда үлем һаны ла кәмегән: юл-транспорт фажиғәләрендә – 15,4 процентҡа, алкоголдән ағыуланыу буйынса – 47 процентҡа һәм янғындарҙа – 37 процентҡа.
Башҡортостан Башлығы министрлыҡ, ведомство һәм предприятиелар етәкселәренә һөҙөмтәле эш өсөн рәхмәт әйтте.
– Дөйөм алғанда беҙ яҡшы үҫешәбеҙ, һәйбәт динамиканы нығытабыҙ. Был беҙҙең дөйөм эш һөҙөмтәһе, – тине ул.
#Миллипроекттар
Автор: Альфия Мингалиева
Читайте нас:
© 1999-2025 Салауат ҡалаһының ижтимағи-сәйәси гәзите, 1999 йылдан нәшер ителә
Телефон
8(34763) 320392
Электрон почта
Адресы
453260, Республика Башкортостан, г. Салават, пр. Нефтяников, 29
Реклама хеҙмәте
8(34763) 320392
Редакция
8(34763) 320392
Ҡабул итеү бүлмәһе
8(34763) 320392
Хеҙмәттәшлек
8(34763) 320392
Кадрҙар бүлеге
8(34763) 327714