Путин һәм Меркель телефондан нимә хаҡында һөйләште?

Рәсәй Президенты Владиимир Путин Германия инициативаһы менән ФРГ канцлеры Ангела Меркель менән телефон аша һөйләште, тип хәбәр итә Кремлдең матбуғат хеҙмәте.

Һөйләшеү барышында ике яҡ алдан ҡул ҡуйылған "Штайнмайер формулаһы" иғтибар итеп, Украиналағы хәлде көйләү һорауҙары буйынса фекер алышты. Шулай ике ил башлығы "Норманд форматы"нда һөйләшеү алып барыуға әҙерлеген белдерҙе.

Бынан тыш, Путин һәм Меркель Рәсәй газын Украина аша транзит темаһына ла ҡағылды, Рәсәй, Украина һәм Еврокомиссия вәкилдәре ҡатнашлығында алып барылған һөйләшеүҙәр хаҡында фекер алышты.

Рәсәй һәм Германия башлыҡтары башҡа һорауҙарҙы ла ҡараны һәм артабан да төрлө кимәлдәге хеҙмәттәшлек тураһында килеште.

#ВладимирПутин.