Кеше ғүмерҙәрен һаҡлап ҡалыу өсөн

Республикала ашығыс ярҙам бригадалары мобиль компьютерҙар менән йыһазландырыла башланы. Был эш "Һаулыҡ һаҡлау" милли проекты сиктәрендә башҡарыла. Әле медиктар уларҙы ҡулланырға өйрәнә. Гаджеттар ярҙамында фельдшерҙар онлайн саҡырыуҙар ҡабул итәсәк. Пациент янына килеп еткәндә үк табип ауырыуҙың бөтә тарихын күрә. Экранда саҡыртыу тураһында бөтә мәғлүмәт: адрес, шәхси мәғлүммәттәр, шулай ук симптомдар күренә. Әгәр ауырыу элек врачтарға мөрәжәғәт иткән булһа, ауырыу тарихы ла күренеп торасаҡ. Планшетҡа навигатор ҙа көйләнгән. Юл эҙләп ваҡытты юғалтаһы юҡ. Саҡырыу буйынса барған фельдшерҙың ниндәйҙер һорауҙары тыуһа, ул планшет аша хеҙмәттәштәре менән дә кәңәшләшергә мөмкин.

#Миллипроекттар