Берәү инвалид баланы мәсхәрәләгән

Баш ҡаланың Шакша биҫтәһендәге күп ҡатлы йорт подъезында берәү инвалид баланы мәсхәрәләгән.

Ҡыҙғанысҡа ҡаршы, әленән-әле ҡыҙҙарҙы көсләү тураһында хәбәрҙәр сығып тора. Асыҡланыуынса, егет кеше 6 ноябрь кис Шакша биҫтәһендә бер йорттоң подъезында 13 йәшлек инвалид ҡыҙыҡайҙы көсләй. Полицияға был турала баланың атаһы хәбәр итә. Уның ҡыҙы коррекцион мәктәптә белем алған була. Ғәйепләнеүсенең иһә баш ҡала колледждарының береһендә уҡығаны билдәле булған. Уҡытыусылары уны "тыныс, һәйбәт егет" тип ҡылыҡһырлаған…

Әле был ваҡиға буйынса тикшереү эше башланған. Ә зыян күргән ҡыҙ менән психологтар эш алып бара.