Владимир Путин рус теле буйынса совет ултырышында

Ил Президенты Владимир Путин рус теле буйынса кәңәшмә үткәрҙе. Унда "Рәсәй Федерацияһының дәүләт теле тураһында" законды тормошҡа ашырыу, рус телен һәм әҙәбиәтен сит илдә популярлаштырыу һорауҙары ҡаралды.

Рәсәй башлығы белдереүенсә, рус теле Рәсәй милләтенең берҙәмлеген һәм оҡшашлығын тәьмин итә, шуның өсөн тел сәйәсәте бурыстары араһында - уны ил эсендә лә, шулай уҡ сит илдә лә өйрәнеүгә ҡыҙыҡһыныуҙы арттырыу өсөн шарттар булдырыу төп мәсьәлә булып тора.

Осрашыуҙа күтәрелгән темаларҙың береһе мәғлүмәт, мәғариф һәм гуманитар тармаҡтарҙа рус теле мөхитенә ярҙам итеү системаһының һөҙөмтәлелеге булды.

Владимир Путин балаларҙың үҙ милли телендә уҡыуы һәм рус телен белмәүе киләсәктә, ул Рәсәйҙең башҡа төбәктәрендә белем алырға теләгәндә, сикләү тыуҙырырға тейеш түгел, тип тә белдерҙе. Шулай уҡ ПрезидентРәсәйҙә тел төрлөлөгөнә ярҙам итеү программаһын булдырыу, Рәсәй мәктәптәрендә ҡулланыласаҡ һүҙлектәр исемлеген төҙөү, "Википедию"ны электрон рәүештәге Ҙур Рәсәй энциклопедияһына алыштырыу, юғары уҡыу йорттарында бакалавриат һәм магистратураға бүлеп уҡытыуҙың маҡсатҡа ярашлы булыу-булмауы һәм башҡа һорауҙар буйынса фекер алышыу барҙы.

#ВладимирПутин