"Балаларымды бик һағындым", - ти Луиза

Банктан 23 миллион һум аҡса урлауҙа ғәйепләнеүсе Луиза Хәйруллинаға ҡарата сираттағы суд ултырышы булған. "Вести" яңылыҡтар программаһы хәбәрсеһе менән ҡыҫҡа ғына әңгәмәһендә ул: "Өйгә ҡайтҡым килә, балаларымды һағындым", - тигән.Үҙен нисек кенә ышаныслы, хатта вайымһыҙ тоторға тырышһа да, был һүҙҙәрҙә уның әсә булараҡ кисергән хәсрәте сағыла. Суд Луиза Хәйруллинаны арест аҫтында ҡаласаҡ, тигән ҡарар сығарған һәм уның сиктәрен билдәләмәгән.