Яңы техника менән тәьмин ителде

Ҡаты коммуналь ҡалдыҡтар менән эш итеү буйынса “Эко-Сити” төбәк операторы яңы техника менән тәьмин ителде. Улар республиканың көньяҡ райондарын (Стәрлетамаҡ, Стәрлебаш, Миәкә һ.б.) хеҙмәтләндерәсәк.Был эш “Экология” милли проектына ярашлы тормошҡа ашырылды. Яңы техника төбәк операторына халыҡты хеҙмәтләндереү сифатын арттырыу мөмкинлеген бирәсәк. Бындай эшмәкәрлек - “Экология” милли проекты күрһәткестәренә етеүгә ныҡлы этәргес, маҡсатҡа өлгәшеүҙең төп нигеҙе. “Эко-Сити” төбәк операторы йыл башынан 32 берәмек яңы техника алған. Уларҙың дөйөм суммаһы 270 млн һум тәшкил итә. Йыл аҙағына тиклем тағы ла 25 берәмек техника һатып алыу планлаштырыла.

#Миллипроекттар