Владимир Путин Куба Президенты менән осрашты

Рәсәй Президенты Куба Президенты Мигел Диас-Канель Бермудесты ҡабул итте.

Ике ил етәкселеге Рәсәй-Куба стратегик партнерлығын нығытыу мәсьәләләре, халыҡ-ара көнүҙәк темалар тураһында һөйләште.

Владимир Путин әңгәмәсеһен Президент булып һайланыуы менән дә ҡотларға онотманы.

- Беҙ юғары кимәлдә бәйләнеште дауам итәбеҙ. Халыҡ-ара аренала ла актив хеҙмәттәшлек итәбеҙ һәм бер-беребеҙгә ярҙам итәбеҙ. Былтыр беҙҙең илдәр араһында тауар әйләнеше 33 процентҡа тиклем артыуын билдәләр инем, - тине Владимир Путин.

Мигел Диас-Канель Бермудес әфәнде беҙҙең илгә килеүенә һөйөнөүен белдерҙе. Баҡһаң, Президент вазифаһында Европа төбәгендәге тәүге сит илгә сәфәре тап Рәсәйгә килеүе икән.

#ВладимирПутин