Стәрлетамаҡта тағы бесәй балалары тултырылған пакет табылған

Бер ҡыҙ паркта бесәй балалары тултырылған пакет табып алған. Строймаш ҡасабаһындағы паркта йөрөгән саҡта ҡыҙ бер ҡапсыҡҡа тап булған, өҫтәүенә уның эсенән ниндәйҙер тауыштар ишетелгән. Тоҡто асһа, унда бесәй балалары ята икән. Береһе һоро, икенсеһе аҡ. Ҡыҙ бәләкәстәрҙе үҙенә алып ҡайтҡан, һәм, «Независимая уральская газета» яҙыуынса, икеһенә лә хужалар тапҡан.