+1 °С
Болотло
Бөтә яңылыҡтар
10
Новости
22 Октябрь 2019, 11:57
Салауаттан Самат Мостафин "Ҡул оҫтаһы" номинацияһына лайыҡ
Өфөлә «Ҡурай даны» милли телепремияһы еңеүселәрен бүләкләйҙәр. Еңеүселәрҙе бүләкләү тантанаһы 5 ноябрҙә була. Ә әлегә "Ҡурай даны" премияһының "Ҡул оҫтаһы" номинацияһында Салауаттан Самат Мостафин ҡатнашыуын һәм еңеүселәрҙе билдәләргә бик әҙ ваҡыт ҡалыуын иҫкә төшөрәбеҙ. Ҡалабыҙ оҫтаһы 1115 тауыш менән дүртенсе урында килә , тауыш биреү 25 октябргә тиклем дауам итә. Бының өсөн һылтанма: https://bash.news/kurai/dany/?lang=bash
Өфөлә «Ҡурай даны» милли телепремияһы еңеүселәрен бүләкләйҙәр. Еңеүселәрҙе бүләкләү тантанаһы 5 ноябрҙә була.
Ә әлегә "Ҡурай даны" премияһының "Ҡул оҫтаһы" номинацияһында Салауаттан Самат Мостафин ҡатнашыуын һәм еңеүселәрҙе билдәләргә бик әҙ ваҡыт ҡалыуын иҫкә төшөрәбеҙ. Ҡалабыҙ оҫтаһы 1115 тауыш менән дүртенсе урында килә , тауыш биреү 25 октябргә тиклем дауам итә. Бының өсөн һылтанма: https://bash.news/kurai/dany/?lang=bash
«Ҡурай даны» телепремияһы номинанттары — беҙҙең заман геройҙары, үҙ эшенең оҫталары.
«Тап ошондай геройҙар «Ҡурай даны» телепремияһына дәғүә итә лә инде. Һәр геройҙың үҙенең тарихы, тормош юлы, билдәләгән маҡсаттары һәм уңыштары. Улар үҙҙәре, ҡаҙаныштары хаҡында һөйләргә яратмай, күптәре оло эш башҡарабыҙ тип уйламай. Ә беҙ уларҙы ваҡытында күрергә һәм уларға тиңләшергә тейешбеҙ», — ти проект етәксеһе Рита Өмөтбаева.
«Ҡурай даны» көмөш миҙалы хужаларын телетамашасылар һайлай. Әлеге ваҡытта тауыш биргәндәрҙең дөйөм һаны – 47 мең кеше.
Байрамда «Ҡурай-ТВ»ның 10 йыллығы уңайынан башҡорт эстрадаһы йондоҙҙары Марсель Ҡотоев, Азамат Тимеров, Фәдис Ғәниев, Лилиә Биктимерова, Рәүеф һәм Заһир Иҫәнсуриндар, Фидан һәм Азамат Ғафаровтар, Ришат Төхвәтуллин, «Zainetdin» этно-проекты, Рөстәм Ғиззәтуллин, «Карауанһарай», «Арғымаҡ» төркөмдәре, «Мираҫ» йыр һәм бейеү фольклор ансамбле, Фәйзи Ғәскәров исемендәге халыҡ бейеүҙәре ансамбленең сығыштары көтөлә.
«Ҡурай даны» телепремияһы 2018 йылда «Ҡурай-ТВ» телеканалы башланғысы менән булдырылған. Телепремияға 70 кеше күрһәтелгән. Уларҙы «Ҡурай» каналы тамашасылары тәҡдим иткән. Йыл дауамында «Ҡурай-ТВ» телеканалы һәр номинант тураһында һүрәтләмәне эфирға сығарған.
Читайте нас: