Инстаграмда Анастасия Заворотнюк сәхифәһендә уның ауырыуы тураһында яңы хәбәр сыҡты. "Битараф булмаған һәр кем өсөн мәғлүмәт: Анастасия, ысынлап та, дауаланыу курсы уҙа. Ләкин ул бер ҡасан да комала булманы, яһалма тын алдырыу аппаратына тоташтырылманы, хәтерен юғалтманы, аңы үҙгәрмәне, паралич һәм мускулдар атрофияһын кисермәне", - тиелә был хәбәрҙә. Әлеге пост авторҙары актриса тураһында матбуғатта таралған ғәйбәттәрҙе уйҙырма, тип атай, Анастасияның ауырыуы тураһындағы мәғлүмәтте бөтөн халыҡҡа сығармауҙы үтенә.
"Анастасия өсөн доға ҡылыуығыҙҙы ғына үтенәбеҙ", - тиелә был хәбәрҙә. Анастасия Заворотнюк яман шеш менән ауырый, тигән хәбәрҙәр августа сыҡты. Сентябрҙә уны, комала ята, тип яҙҙылар.