Иҫке СНИЛС-ҡа урын юҡмы?

2019 йылдың 1 октябренән граждандарға өйрәнелгән йәшел СНИЛС урынына “Шәхси иҫәпкә алыу системаһында теркәлеү тураһында белдереү ҡағыҙы (уведомление)” бирә башланылар.

Уны шәхси иҫәпкә алыу системаһында беренсе тапҡыр теркәлгәндә, шулай уҡ йәшел СНИЛС-ты юғалтҡанда йәки исем-фамилия алыштырған ваҡытта бирәсәктәр. Уведомлениеның электрон варианты буласаҡ. Ул Пенсия фонды сайтында һәр граждандың шәхси кабинетында һәм Дәүләт хеҙмәттәренең берҙәм порталында буласаҡ. Әлегә тиклем бирелгән СНИЛС үҙ ғәмәлдәрен һаҡлай һәм яңыһына тиң документ булып ҡаласаҡ.