“Ниндәй ир-атты һайлар инегеҙ?”

Рәсәйҙең 28 ҡалаһында кейәүгә сыҡмаған ҡыҙҙар араһында “Ниндәй ир-атты һайлар инегеҙ?” тигән һорау алыу үткәргәндәр. Был исемлектә Өфө лә бар.

Ҡатнашҡан 3360 гүзәл заттың күпселеге мөхәббәтте һайлаған, икенсе урында – тоғролоҡ, өсөнсөлә – кейәүҙең кеҫә яғы ҡалынлығы. Дүрт-биш процент ҡатын-ҡыҙ ирҙең төҫ башына, белеменә, социаль статусына иғтибар итә икән.

“Аҡсалы ир кәрәк” тигәндәрҙең күпселеге – Саранск, Мәскәү, Краснодар ҡыҙҙары. Өфө иһә был йәһәттән 14-се урында. Ә бына Томск, Пенза, Түбәнге Новгород ҡыҙҙарына аҡса мөһим түгел икән.