Башҡорт мәҙәниәте һәм мәғрифәте көндәре

9-12 октябрҙә Санкт-Петербургта Башҡорт мәҙәниәте һәм мәғрифәте көндәре уҙа. Программала - оҫталыҡ дәрестәре, семинарҙар, лекциялар, студенттар, башҡорт йәмәғәт ойошмалары менән осрашыуҙар. Санкт-Петербург Тау университетына нигеҙ һалған Исмәғил Тасимов таҡтаташына, Әхмәтзәки Вәлиди бюсына һәм “Ленинградты батырҙарса һаҡлаған Башҡортостан яугирҙарына” иҫтәлекле ташына сәскә һалыу ҙа ҡаралған.Режиссер Булат Йосоповтың “Бабич” фильмы күрһәтеләсәк. Сара Башҡортостандың сәнғәт оҫталарының һәм Санкт-Петербургтың фольклор коллективтарының концерты менән тамамланасаҡ. “Арғымаҡ” төркөмө лә сығыш яһаясаҡ.