Баҡса һатам тип аҡсаһынан ҡолаҡ ҡаҡҡан

Нефтекамала 41 йәшлек ҡатын интернетта баҡса участкаһын һатыу тураһында иғлан бирә. Күп тә үтмәй, һатып алыусыһы ла табыла. Мут ир ҡатынды аҡса күсереү ниәте менән банкомат янына саҡыра. Уның ҡушыуы буйынса, баҡса һатыусы банкоматта бер нисә операция башҡара. Шатлыҡ оҙаҡҡа бармай. Ҡатын банк картаһынан 75 мең һум аҡсаның юҡҡа сыҡҡанын аңлай. Хоҡуҡ һаҡсылары алдаҡсының эҙенә төшмәксе.