Аҡыртып кейәүгә биргәндәр

Социаль селтәрҙәрҙә Ҡырғыҙстанда 16 йәшлек ҡыҙҙы көсләп кейәүгә биреү тураһындағы видео таралды һәм ул йәшен тиҙлегендә ҙур шау-шыу тыуҙырҙы. Видеороликтан күренеүенсә, әле балалыҡтан да сығып өлгөрмәгән ҡыҙҙы бер нисә кеше шаршау артынан күтәреп алып сығып бара. Уның үҙәк өҙгөс ҡысҡырыуы музыка һәм шундағы кешеләрҙең көлөү тауыштары менән күмелә. Был хәл 6 октябрҙә Ҡырғыҙстандың Талас ҡалаһында булған. Ҡызға - 16, кейәүгә 35 йәш. Ролик социаль селтәрҙәрҙә көслө реакция уятты. Социаль селтәрҙәрҙән файҙаланыусыларҙы өлкәндәрҙең үҙ-үҙен тотошо шаҡ ҡатыра, улар енйәт эше ҡуҙғатыуҙы һорай. Таластың эске эштәр идаралығында был факт буйынса тикшереү башланған, тип хәбәр итә "Киске Бишкәк" гәзите.