Торатауҙы Испанияла ла беләләр

Күптән түгел ЮНЕСКО Европа Геопарктарының 15-се конференцияһы уҙҙы (үткәреү урыны: Three Cultures of the Mediterranean Foundation, Sevilla, Севилья, Испания). Унда беренсе тапҡыр халыҡ-ара кимәлдә «Торатау» геопаркы тәҡдим ителде.

Конференцияла дөнъяның төрлө геопарктарынан 400-гә яҡын вәкил ҡатнашты.“Торатау” геопаркы презентацияһына “Геопаркты үҫтереү моделе” тәҡдим ителде һәм геопарк тураһында видеоролик күрһәтелде.

ЮНЕСКО Европа Геопарктарының 15-се конференцияһы аудиторияһы тәҡдим ителгән материалдарға ҡарата ҙур ҡыҙыҡһыныу белдерҙе (Maxie Syren, ЮНЕСКО Глобаль Геопарктарҙың тотороҡло үҫеше һәм фән буйынса программа секретаре, Charalampos Fassoulas, ЮНЕСКО-ның Европа геопарктары комитеты ағзаһы, Psiloritis UNESCO Global Geopark, Thomas Holst Christensen, ЮНЕСКО геопаркы вәкиле Vestjyllland һ.б.), «Торатау» геопаркы тураһында фекер алышыуҙа әүҙем ҡатнашты.