Ҡартлыҡта ла бәхет кәрәк

Валентина Докалова Өфө районының Шаҡша биҫтәсендә яңғыҙы йәшәй. Өйҙәгә еҫкә сыҙарлыҡ түгел. Унда осҡан себендәр генә был өйҙә әле иҫән йән эйәһе барлығын иҫкә төшөрә һымаҡ. 76 йәшлек инәйҙең һыуытҡысы буш, үҙе постелдә ята. Уны тәрбиәләүсе кеше юҡ. Һирәк кенә килгән апалары да инде күптән хаҡлы ялда. Күршелә йәшәүсе ҡатын ҡайһы бер саҡта уға икмәк алып керә, сәй эсерә. Өйҙөң ишеге һәр ваҡыт асыҡ, әбей асҡысының ҡайҙа икәнлеген дә хәтерләмәй. Ҡайһы бер саҡта өйгә таныш түгел кешеләр кереп аҡса эҙләй икән. Ә үҫмерҙәр оло кешене ҡурҡытыу өсөн өйҙә төрлө шартлатҡыстар шартлата. Калинин районы хакимиәтендә был әбей тураһында белмәйҙәр. Әлеге ваҡытта уның туғандарын эҙләйҙәр. Бәлки, киләсәктә инәйҙе интернатҡа урынлаштырырҙар.