Яңы ағас - яңы һулыш

5 октябрҙә, Республика көнө алдынан, “Йәшел Башҡортостан” акцияһы сиктәрендә, Салауатта 230 ағас ултыртыу планлаштырыла.

Ағастар ҡаланың яңы биҫтәләрендәге С.Юлаев бульвары, Бекетов урамында ултыртыласаҡ. Уларҙы йүкә, миләш, пирамидаль тирәк, шыршылар биҙәйәсәк.

Был сарала ҡатнашырға теләүселәр иртәнге сәғәт 10-да С.Юлаев бульвары менән Бекетов урамы киҫелешендә йыйыла ала. Акция һөҙөмтәләре буйынса “Йәшел Башҡортостан” фотоконкурсы уҙғарыла. Бының өсөн ағас ултыртырға, уның эргәһендә фотоға төшөргә һәм уны #зеленаябашкирия2019 хештегы менән социаль селтәрҙә урынлаштырырға кәрәк.