Бер сыҡҡас, ниңә кире инергә?

Белорет ҡалаһында шәхси йортта янғын сығып, бер ир һәләк була. Янғын төндә башлана. Был ваҡытта барыһы ла йоҡлаған була. Бер нисә минут эсендә ут веранданы, мунсаны һәм гаражды ялмап ала. Көслө төтөн еҫенә уянып киткән ир менән ҡатын йүгереп сығып өлгөрә. Әммә янғын һүндереүселәр килгәнсе, ғаилә башлығы йәнә ныҡлап яна башлаған өй эсенә инеп китә һәм кире әйләнеп сыҡмай. Бер сыҡҡас, кире инергә булмаған да бит...