Радик кемгәлер еҙнә булырға йыйынамы әллә?

Билдәле йырсы Лилиә Биктимерованың instagram сайтындағы фото сығыу менән, был туралағы шау-шыу тағы ҡуйырҙы.

Фотола Радик Юлъяҡшин, йәғни Элвин Грей Гөлназ Асаеваның ҡустыһы Кәрим менән төшкән. Етмәһә, әсә кеше: "Кәрим Радикты бик оҡшата. Икеһе бергә булғанда бик күңелле, шаярышып, уйнашып алалар. Прическаны ла Радик ағайҙыҡы кеүек кәрәк, тип киҙәтте" - тигән яҙма ҡуйған.

Шунан бирле ике йырсыға ла тынғылыҡ юҡ. Гөлназ менән Радикка бер туҡтауһыҙ:

- Ҡасан никах?

- Еҙнә бүләге бирҙеңме?

- Ҡәйнәңә ҡунаҡҡа барҙыңмы?

- Буласаҡ кейәү никахҡа нимә бүләк итә? - тигән кеүегерәк һорауҙар яуа башлаған.

Әлегә йәштәр ҙә, ата-әсәләр ҙә яуап бирмәй. Кәримдән һорар кәрәк, моғайын. Ағаймы, әллә еҙнәйме, тип!