"Халыҡ Радий Хәбировтың эшенән ҡәнәғәт булыр тип уйлайым"

Радий Хәбировтың инаугурацияһы тантанаһында ҡатнашҡан Башҡортостандың беренсе Президенты Мортаза Рәхимов фекерҙәре менән уртаҡлашты.

«Радий Хәбиров республика башлығы вазифаһына лайыҡ, - тине Башҡортостандың беренсе президенты Мортаза Рәхимов 19 сентябрҙә һайланып ҡуйылған республика башлығы инаугурацияһынан һуң. - Мин уға яңы вазифаһында уңыштар, үҙ сығышында билдәләгән барлыҡ һөҙөмтәләргә ирешеүен теләйем. Радий Хәбировтың уйлаған эштәре бойомға ашһа, халыҡ ҡәнәғәт ҡалыр тип уйлайым».