Шул да булдымы ҡыйыулыҡ?

"Кавказ" федераль юлында булған ҡиммәтле "Гелендваген" һәм "Cadillac" автомобилдәрендәге кешеләр юл уртаһында атыш ойошторған. Хәлдең видеоһын ваҡиғала ҡатнашыусылар маҡтаныу өсөн үҙҙәре интернет селтәренә һалған. Әммә был "байрам"ды йәмәғәтселек баһаламаған. "Винчестер"ҙан атҡандың кем икәнлеген асыҡлағандар. Ул Избербаш ҡалаһында йәшәгән 31 йәшлек ир булып сыҡҡан. Әле уға ҡарата енәйәт эше асылған. Асыҡланыуынса, маҡтансыҡ әҙәм быға тиклем дә хөкөм ителгән булған.