Радиктың концерт төркөмө яңы йырсылар менән тулылана

Миллионлаған йыр-моң һөйөүселәрҙең яратҡан йырсыһы Радик Юлъяҡшиндың былтыр "Elvin Grey" исемле менән музыкаль лейблын асҡаны мәғлүм.

Йәштәрҙең һәләтен үҫтереү, уларҙы сәхнәгә сығарыу маҡсатында башҡарҙы яҡташыбыҙ был эште.

Ошо көндәрҙә йырсы Инстаграм селтәрендә яңы концерт миҙгелен башлауы хаҡында хәбәр итте. Быйыл уның төркөмөндә үҙгәрештәр ҙә бар икән. Мәҫәлән, "Двигай телом" тигән йыр менән ижад юлын башлаған Рауш хәҙер Радик Юлъяҡшин менән гастролдәрҙә йөрөйәсәк.