Ғүмерҙәр ҡырыла...

Красноярск ҡалаһының күп ҡатлы йорттарының береһендә сыҡҡан янғында һигеҙ кешенең ғүмере өҙөлгән. Унда дүрт оло кеше, тағы ла балиғ булмаған дүрт бала янып үлә.

Ҡаланың Гусаров урамында урынлашҡан күп ҡатлы йорттоң өсөнсө ҡатында киске сәғәт 11-ҙәр тирәһендә янғын сыға, фажиғә урынына ҡотҡарыусылар, янғын һүндереүселәр тиҙ арала килеп етә.Фажиғәле хәл буйынса полиция хеҙмәткәрҙәре тикшереү башлаған, ваҡиға урынында тикшереү-оператив төркөм эшләй. Янғын сәбәптәре асыҡлана. Янғын һүндереүселәр уның ут менән һаҡһыҙ эш итеүҙән йә булмаһа электр энергияһындағы ҡыҫҡа замыкание арҡаһында килеп сығыу ихтималлығын билдәләй.