“Йәш ғаилә” конкурсы

Салауат ҡалаһы хакимиәтенең йәштәр эштәре буйынса комитеты “Йәш ғаилә” ҡала конкурсына ғаризалар ҡабул итә башлай.

Бәйгелә ҡатнашыу өсөн төп шарттар: рәсми теркәлгән никах, бала булыуы, ир менән ҡатындың йәш 35-тә уҙмаҫҡа тейеш һәм ғаиләнең спорт, ижади һынауҙарҙы үтергә теләге булыуы. Шулай уҡ шәжәрә ағысын төҙөү, йәки ғаиләнең үткәне тураһында күргәҙмә ойоштороу талап ителә. Конкурс бер нисә этаптан торасаҡ һәм уның финалы 25 октябргә тәғәйенләнгән. Еңеүсе ғаилә парҙарына комитеттың һәм бағымсыларҙың бүләктәре тапшырыласаҡ.