Урланған малдың бәрәкәте юҡ

Башҡортостанда 41 йәшлек ир “ВАЗ -2112” автомобилен урлап ҡаса. Тик, ҡыҙғанысҡа ҡаршы, әллә ни йыраҡ китеп өлгөрмәй. Водитель таныҡлығы булмаған ир машинаға идара итеүҙе юғалта һәм юлдан ситкә оса. Алынған йәрәхәттәрҙән ул юл-транспорт ваҡиғаһы урынында йән бирә. БР буйынса ЮХХДИ-ның матбуғат хеҙмәтенән хәбәр итеүҙәренсә, был хәл Стәрлебаш районында була. Ошо районда йәшәгән кеше полицияға машинаһын урлауҙары тураһында ғариза яҙа. Күп тә үтмәй машинаны һәм үлгән бурҙы район юлында табалар. Ир быға тиклем дә хөкөм ителгән булған.