Багажникта - һуйылған мышы

ЮХХДИ хеҙмәткәрҙәре браконьерҙы тотҡан. Уның машинаһында һуйылған мышы һәм дүрт ҡорал табылған. Ғафури районында йәшәгән 34 йәшлек ир өс дуҫы менән һунарға киткән. Улар урманда мышыны күреп ҡалған һәм оҙаҡ та уйлап тормай, тоҫҡап атып ебәргән.

Һунарсылар уны машинаның багажнигына һалғас, өйҙәренә ҡайтырға юллана. Тик юлда уларҙы полиция хеҙмәткәрҙәре туҡтатҡан. Әле енәйәт эше ҡуҙғатылған.