Мөнәжәт әйтә беләһеңме? Улайһа, әйҙә конкурсҡа

27 сентябрҙә Сибай ҡалаһының Балалар ижады үҙәгендә VI Төбәк-ара мөнәжәт әйтеүселәр конкурсы уҙғарыла.

Конкурста теләгән һәр кем ҡатнаша ала. Унда өс номинация: мөнәжәт әйтеү, нәсихәт башҡарыу, Мәүлит Ямалетдинов шиғри юлдарға һалған Ҡөрьән сүрәләрен башҡарыу. Һәр ҡатнашыусы төрлө характерҙағы ике йәки өс әҫәр башҡара. Конкурс ике йәш категорияһында (17 йәшкә тиклем, 18 йәштән өлкәндәр) яңғыҙ башҡарыусылар һәм коллективтар араһында үтә. Ҡатнашыусыларҙың сығыштарын компетентлы жюри баһалай, уның составына Башҡортостандың билдәле сәсәндәре, мәҙәниәт һәм мәғариф эшмәкәрҙәре инә.

Ғаризалар 2019 йылдың 26 сентябренә тиклем Сибай ҡалаһы, Таусылар проспекты, 14 адресы буйынса ҡабул ителә. Сибай сәнғәт колледжы, Мәүлитова Луиза Вилюр ҡыҙы, телефон һәм факс: 8(34775) 2-46-32; 8-999-131-18-37, электрон почта: [email protected]; Ғәйнуллина Асия Солтан ҡыҙы, Сибай сәнғәт колледжының «Урал батыр» сәсәндәр мәктәбе етәксеһе. Телефон: 8-960-383-46-09.