Юғалған ҡыҙ Мәскәүҙә табылған

2 сентябрҙә Липецк өлкәһендә юғалған һигеҙ йәшлек ҡыҙ Мәскәүҙә иҫән-һау табылған.

Матбуғатта хәбәр итеүҙәренсә, Маша өйөнән иртәнге сәғәт 7-се яртыла сығып китә һәм көн ярымдан һуң нисектер мегаполисҡа барып сыға.

Ҡыҙ өлкәнең Елецк районындағы бер ауылында йәшәгән була. Ул юғалғас, Тәфтиш комитеты “Үлтереү” статьяһы буйынса енәйәт эше ҡуҙғатып өлгөрә.

Бәхеткә күрә, ҡыҙ иҫән-һау, ул әле Мәскәүҙә. Хәҙер хоҡуҡ һаҡлау органдары нисек итеп һигеҙ йәшлек баланың баш ҡалаға килеп юлығыуын тикшерә.