Һайлауға төшкә тиклем барһаң, бүләк алырһың

Өфө, Стәрлетамаҡ, Салауат, Сибай, Октябрьский һәм Нефтекама ҡалаларының эшҡыуарҙары һайлау көнөндә яҡшы ғына акциялар үткәрергә ниәтләй. “Рәхмәт” тип аталған был акцияның маҡсаты бик ябай - әүҙем граждандарҙы дәртләндереү. Уларҙың барыһы ла төрлө ташлама һәм бүләктәргә хоҡуҡ бирәсәк браслеттар һәм купондар аласаҡ. Бүләктәр исемлегендә - транспортта бушлай йөрөү хоҡуғы, кино һәм аттракциондарға билеттар, аҙыҡ-түлек магазиндарында, шиномонтаж оҫтаханаларында, мунсаларҙа, бөҙрәханаларҙа ташлама менән ҡулланыу һәм башҡалар. Акцияла ҡатнашырға теләүсе эшҡыуарҙар һаны көн һайын тулылана бара.