Туймазы районында ике бала юл фажиғәһендә һәләк булған. Башҡортостан Республикаһы ЮХХДИ-һы мәғлүмәте буйынса, авария көндөҙгө сәғәт өстәр тирәһендә Түбәнге Троицк ауылы эргәһендә Серафимовка - Усман-Ташлы юлында теркәлгән - Daewoo Nexia автомобиле кюветҡа ауған. Ике бала фажиғә урынында йән биргән. Ир менән ҡатын да дауаханаға оҙатылған. Авария урынында полиция һәм башҡа хеҙмәттәр эшләй. Ваҡиға сәбәптәре асыҡлана.