Дауалауға - өҫтәмә аҡса

Төбәк етәксеһе Радий Хәбиров социаль өлкәгә аҡса бүлеүҙе арттырыу тураһындағы указға ҡул ҡуйҙы.Указда миелоидлы лейкоз, икенсел үпкә гипертензияһы, идиопатик үпкә фиброзы, миелопролифератив сир кеүек һирәк осрай торған ауырыуҙарҙан яфаланған, шулай уҡ ағзалары трансплантацияланған кешеләрҙе дарыуҙар менән тәьмин итеүгә сығымды 140 миллион һумға арттырыу ҡарала. Препараттар менән тәьмин итеүгә ҡаҙнанан бүленгән дөйөм аҡса күләме быйыл 2,3 миллиард һумдан ашып китәсәк.