Алимент аҡсаһын - приютҡа

Мәктәптә уҡыусы ҡыҙ бала атаһының алимент буйынса йыйылған бурысын көс-хәл менән алғандан һуң, Костромалағы йорт хайуандары приютына илтеп бирә.15 йәшлек Виктория “Изге ҡулдар” приютында ирекмән икән. 20 мең һум хайуандар өсөн йәл түгел, тип иҫәпләй ҡыҙ. Быға тиклем дә ул әсәһе менән приютҡа даими аҡса күсереп торған. Атаһының алименты ла шунда китеп “батҡан”.

“Хайуандарҙы ныҡ яратам, артабан да ярҙам итәсәкмен”, - ти изге күңелле ҡыҙ.