Йүнселдәргә ярҙам йөҙөнән

“Бәләкәй һәм урта эшҡыуарлыҡты үҫтереү һәм шәхси эшҡыуарлыҡҡа булышлыҡ итеү” милли проектына ярашлы, “Бәләкәй һәм урта эшҡыуарлыҡҡа һалым һалыуҙың көнүҙәк мәсьәләләре” тигән темаға йүнселдәр өсөн консультация үткәрелә.Сараны Башҡортостандың Эшҡыуарҙар ойошмалары ассоциацияһы уҙғара. Йүнселдәр өсөн бындай бушлай шәхси консультациялар циклы артабан да дауам итәсәк. Билдәле булыуынса, республика етәксеһе Радий Хәбировтың күрһәтмәләре буйынса, төбәктә эшҡыуарлыҡты һәр яҡлап үҫтереүгә ҙур иғтибар бүленә. Өфөлә “Минең бизнес” үҙәге асылыу - ошоноң аныҡ дәлилдәренең береһе. Радий Фәрит улы һүҙҙәренсә, был территориаль берләшмәлә бәләкәй һәм урта эшҡыуарлыҡтың барлыҡ ойошмаларына комплекслы хеҙмәтләндереү, ярҙам саралары күрһәтелә. Бындай үҙәктәр бөтөн субъекттарҙа төҙөләсәк. “Минең бизнес”ты киңәйтеү, эш урындары булдырыуҙы ойоштороу, программа тәьминәте өсөн быйыл 139 миллион һум аҡса бүленәсәк.

#Миллипроекттар