Дауалауға ҡарағанда, иҫкәртеүе еңелерәк

20-30 августа “Онкопатруль” Бөтә Рәсәй акцияһы республиканың Стәрлетамак һәм Салауат ҡалаларында ойошторола. Яман шеш ауырыуҙарын иртә стадияла асыҡлау буйынса күләмле скрининг программаһы ил төбәктәрендә Дәүләт медицина-тикшеренеү радиология үҙәге тарафынан үткәрелә. Рак ауырыуҙарын иртә стадияла асыҡлау диагностикаһын П. А. Герцен исемендәге МНИОИ, А.Ф. Цыба исемендәге МРНЦ һәм Н.А. Лопаткин исемендәге Радиология һәм урология фәнни-тикшеренеү институтының әйҙәүсе хеҙмәткәрҙәре үткәрә.

Белгестәрҙең эше ике этапҡа бүленгән: 20-26 августа - “Башҡортостан сода компанияһы”, ә 29-30 августа иһә “Салаватстекло” предприятиеһы хеҙмәткәрҙәре медицина тикшеренеүе үтәсәк.

Диагностика һөҙөмтәләре буйынса яман шеш ауырыуына шик тыуған пациенттар өҫтәмә тикшеренеү үтергә ебәреләсәк.