Башҡортостанда ялған аҡсалар күпме?

Быйыл Башҡортостан банктарында 140-ҡа яҡын ялған аҡса табылған. Иң йыш осрағаны 5 мең һумлыҡ купюралар. Мутлашыусылар 1 мең һәм 2 мең һумлыҡ банкноталарҙы оҫта яһай, ти белгестәр.

Ҡағыҙ аҡсаның ысын булыуын билдәләү өсөн “Рәсәй банкы банкноталары” тип аталған мобиль ҡушымта яңыртылған. Яңы версия махсус йыһаз ҡулланмайынса ғына купюраларҙың ялғанмы, юҡмы икәнлеген асыҡларға ярҙам итә. Опция ярҙамында бөтә купюраларҙы ла тикшерергә була.