Бәләбәйҙә - «Бал ҡорто туйы»

Башҡортостандың Бәләбәй районы Мәтәүбаш ауылында 7 сентябрҙә йолаға әүерелгән умартасылар байрамы — «Бал ҡорто туйы» уҙғарыла.

Ойоштороусылар хәбәр итеүенсә, байрамда бал йәрминкәһе эшләй, балды тәмләп ҡарау ойошторола. Рәсәйҙең танылған умартасыларының ҡатнашыуы күҙаллана, уларҙан бал ҡорто тотоу буйынса кәңәштәр алырға мөмкин.

«Бал ҡорто туйы» ҡунаҡтары өсөн ялан кухняһы эшләй, урындағы үҙешмәкәр артистар концерт менән сығыш яһай.

Байрам көндөҙгө сәғәт 11-ҙә башлана.