Бөгөн - Рәсәй Дәүләт флагы көнө

Йыл һайын 22 августа Рәсәйҙә Дәүләт флагы көнө билдәләнә. 1991 йылда тап ошо көндә РСФСР-ҙың Юғары Советы ҡабул иткән ҡарарға ярашлы, махсус закон менән Рәсәй Федерацияһының яңы дәүләт символикаһы билдәләнгәнгә тиклем Рәсәйҙең аҡ, зәңгәрһыу, алһыу һыҙатлы тарихи флагы һанала.

Флагтағы һәр төҫтөң рәсми мәғәнәһе бар. Ҡыҙыл төҫ — көс-ҡеүәт, күк — Рәсәйҙе яҡлаусы Богоматерь, аҡ — азатлыҡ һәм бойондороҡһоҙлоҡ.

2000 йылдың 25 декабрендә Рәсәй Федерацияһы президенты Владимир Путин «Рәсәй Федерацияһының Дәүләт флагы тураһында» федераль конституция законына ҡул ҡуйҙы. Законға ярашлы, Рәсәй Федерацияһының Дәүләт флагы – өс тигеҙ ҙурлыҡтағы горизонталь һыҙаттарҙан торған тура мөйөшлө туҡыма. Өҫкөһө – аҡ, урталағы – күк һәм аҫтағыһы – ҡыҙыл төҫтә. Флагтың киңлегенең буйына нисбәте — 2:3.