Балаҡатай районында 23 йәшлек ҡатынды 34 йәшлек һөйәре вәхшиҙәрсә үлтергән. Быға тиклем 16 йәшлек ҡыҙҙы көсләгән өсөн язаға тарттырылған ир менән Инга кистән бергәләп кәйеф-сафа ҡорған, иртән иһә низағ сыҡҡан, сығарынан-сыҡҡан ир ҡатынды типкеләп үлтергән. Мәйетте күршеләр тапҡан, ҡулдары ҡанға буялған иҫерек енәйәтсене полиция хеҙмәткәрҙәре алып киткән. Әҙәм аҡтығы ғәйебен таныған, тик бер нимә лә иҫләмәйем тип белдергән.