Ғафури районында балалар бешкән

Ҡулдан эшләнгән газ горелкаһы ярҙамында үҙаллы мунса яҡҡанда алты, туғыҙ һәм 13 йәшлек балалар бешә.

Уларҙы Стәрлетамаҡ ҡалаһындағы тән бешеүе үҙәгенә оҙаталар. Урынға янғын һүндереүселәр саҡырылмай. Емерелеү һәм яныу теркәлмәй. Әйткәндәй, балалар тәрбиәләнгән ғаилә имен тип иҫәпләнә. Был турала Хөкүмәттәге оператив кәңәшмә мәлендә республиканың Ғәҙәттән тыш хәлдәр буйынса дәүләт комитеты рәйесе Фәрит Ғүмәров хәбәр итте. “Уҙған аҙнала республикала 158 янғын теркәлде, уларҙа өс кеше вафат булды, дүрт кеше ҡотҡарылды”, - тине ул.