Үҙҙәре бала ғыналар, әсәй ҙә булып өлгөргәндәр

“Росстат”тың мәғлүмәттәренә ҡарағанда, былтыр иң йәш әсәләр 12 йәштә әсә булыу бәхетенә ирешкән. Уларҙың һаны Рәсәйҙә дүрткә еткән. 2018 йылда 13 йәшлек әсәйҙәр 34 сабый тапҡан. Ә 14 йәшлектәр 190 балаға әсәй булған, хатта ҡайһы берҙәре икенсе сабыйын да табып өлгөргән.

15 йәшлек әсәләр былтыр 919 сабыйға ғүмер биргән, ә 16 йәшлектәр өс меңгә яҡын баланы донъяға килтергән. Рәсәйҙең ҡайһы бер төбәктәрендә бәлиғ булмаған йәштәгеләрҙең атай-әсәй булыуы һис тә ғәжәп түгел, уны норма итеп ҡабул итәләр.