"Рөстәм атайым менән үҫһәм, тыныс холоҡло булыр инем"

Шулай тип яҙа йырсы Гөлназ Асаева үҙенең социаль селтәрҙәге сәхифәһендә."Фәдис атайың һиңә асыулана аламы?" - тигән һорауға иһә Гөлназ:

"Әлбиттә! Мин бит ҡаты телле, тура һүҙле. Бәлки, уны ҡайһы саҡ асыуландырып та ҡуямдыр. Әммә ул үпкәһен бик күрһәтмәҫкә тырыша. Рөстәм атайым - тыныс, кеше менән низағлашмай. Ә Фәдис атайым - уның ҡапма-ҡаршыһы. Ул тәрбиәләп үҫтергәнгә, бәлки, мин дә шулайҙыр. Рөстәм атайым менән үҫһәм, тыныс холоҡло, оялсан, итәғәтле булыр инем. Әсәйем дә ҡаты холоҡло. Мин шуҡ бала инем. Беренсе класта уҡ яратмаған математика дәресенән ҡасып, баҙарға барып, күлдәктәр ҡарап йөрөй инем. Ҡайыштың ҡайҙа икәнлеген әсәй күрһәтеп кенә торҙо. Тормош йәремдең ике атайыма ла оҡшауын теләр инем. Шундай бер урталыҡ табып, икеһенең дә яҡшы сифаттарын үҙенә алған ир-ат менән тормош ҡорор инем", - тип яҙа ул.