Ике балаһы етем ҡалды...

Өфө районында ҡот осҡос юл фажиғәһе булған - “Лада” автомобилендәге 21 йәшлек водитель идараны юғалтып, электр бағанаһына бәрелгән. Үҙе ауыр тән йәрәхәттәре алып, тере ҡалһа ла, уның пассажиры, 23 йәшлек ҡатын, урында уҡ һәләк булған. Асыҡланыуынса, кейәүҙәге йәш ҡатындың ике бәләкәс сабыйы етем ҡалған. Был аяныслы хәлгә ҡатындың яҡындары һәм дуҫтары һаман да ышанып бөтә алмай.